ፆም፣ የስኳርን መቀነስ መከላከል እና በጊዜ ራስን መርዳት (Fasting , Preventing and Self managing Hypoglycemia)

 የስኳር መቀነስ (hypoglycemia) በደም ውስጥ የሚገኘው የስኳር መጠን ከሚፈለገው በታች ዝቅ ሲል የሚከሰት ሁኔታ ነው። ይህም በአብዛኛው ስኳር ከ 70 mg/dl በታች ሲሆን ነው። በፆም ወቅት በትኩረት ልንከታተለው የሚገባን አንዱ ትልቅ አደጋ የስኳር መቀነስ ነው።

እንዴት መከላከል ይቻላል?

1- በፆም ሰዓት ከፍተኛ አካላዊ እንቅስቃሴን መቀነስ

2- ከፃም በፊት ባለው ቀን ዘግይቶ ምግብ መውሰድ ( ለምሳሌ በክርስቲያን  ምሽት ላይ ዘግይቶ እራት መመገብ፣ ለረመዳን የሱር ሰዓትን ማዘግየት)

3- ግሊበንክላማይድ (Glibenclamide) እየወሰዱ ከሆነ ከሃኪም ጋር በመመካከር መቀየር

4- ኢንሱሊን እየወሰዱ ከሆነ ከሃኪም ጋር በመመካከር የመጠን ለውጥ ማድረግ

ምልክቶቹ

– ላብ ላብ ማለት፣

– የድካም ስሜት

– የእጅ (ሰውነት) መንቀጥቀጥ

– የልብ ምት መሰማት

– ብዥታ

– ከፍተኛ የረሃብ ስሜት

– ግራ መጋባት

– ራስ ምታት

– ሲዘገይ ራስ እስከ መሳት ይደርሳል

ራስን መርዳት

– የስኳርን መጠን ወዲያው መለካት ከተቻለ፣ በፍጥነት መለካት ( ነገር ግን ይህ ግዴታ አይደለም)

– እየፆሙ ከሆነ ፆም መስበር፣ ወዲያው ማግኘት የቻሉትን ምግብ መመገብ

– ከረሚላ፣ ለስላሳ፣ ጁስ ስኳርን ወዲያው በተወሰኑ ደቂቃዎች ውስጥ ወደ ጤናማ መጠን ሊመልሱ ይችላሉ

– ከ 15 ደቂቃዎች በኋላ ድጋሚ ራስን መለካት

Telegram: @rihrahe_DMcare @rihrahe_diabetesCare

ሁለንተናዊ ጤና በቤትዎ!